දෙක තමයි!


ඈ..හ්! මේ දෙක තමයිනෙ :P බ්ලොග් එක ලියන්න පටං අරං අවුරුදු දෙකකුත් උනා... මේ අවුරුද්ද ඇතුලත ලිපි ලියල තියෙන්නෙ හතරයිද කොහෙද (කොහොමද උනන්දුව) :D බ්ලොගේට අවුරුදු දෙකක් උන එකට ලියන්න දෙයක් කල්පනා කොළාට කොළාට මතක් වුන දේවල් ලියන්න ගියොත් "කියල වැඩක් නෑ... ඒ හින්ද ඉතිං ලියල වැඩකුත් නෑ :D "

ඇත්තටම කියනවනම් මට මේ අවුරුද්දෙ කියන්න විසේස දේකුත් නෑ... :D ඒක නිසා මම මේ "දෙක" ඔන්න ඔහෙ සමරලා දානව! කට්ටිය එහෙනම් ගියපාර වගේ පොර නොකා මට සුබ පතල යන්නකො..

ප.ලි : මේක මගෙ දිගම ලිපිය ලෙස ඉතිහාස ගතවෙයි කියල හිතනව! (ඉස්සරහට මිට වඩා දිග එව්ව ලියල ඉතිහාසෙ අලුත් කරගන්නත් ඕනෙ නෑනෙ :D )
ඉතුරු ටික

නො"කී"යාම ගෙදරට ඒම [දොර නෑර ගෙට පැනීම],

හෆොයි!! අසුභ අලුත් අවුරුද්දක් ඌවා, මට

උදෑසන 6.30ට පමණැ මම නින්දෙන් ඇහැරුනෙමි. ඒ කුමක් නිසාවත් නොවැ, කාමරයේ ලයිට් එකැ දැල්වුනු නිසාවෙනි. එවිට මටැ මෙහෙම ඇසුනෙමි. "අදනම් වහින්නෙ නෑ, පොල් ටිකැ අව්වෙ දාල යන්න පුලුවන්" වාසනාවකි! මටැ සිතුනෙමි. ඉන්පසු මට "අද පංති, අද පංති" යැ කියා මතක් වීමැ නිසා වහ වහා නැගිට ඊට සූදානම් වන්නටැ තිබුණත් තවත් පැයක් නිදාගන්නට තීරණය කලෙමි.

පංතිය පටංගන්නේ කීයටදැ? 9ටය. නමුත් මමැ යන්නේ 9.30ටය :D මාගේ මෙමැ ක්‍රියාව නිසා ගුරුතුමාට හා අනෙක් සිසුන් තිදෙනාටැ තවත් වැඩිපුරැ පැය 1/2ක් පංතියේ රැඳීසිටීමට වනබවැ මම නොදන්නවා නොවෙමි. නමුත් එය එසේමය. මා යන්නේ ප්‍රමාද වීමි. අදද එසේම කිරීමටැ සිතා මම "කාමික්කෝලෙකු" විලසැ පංතියට යාමටැ සූදානම් වීමි. ඒ අතරතුරැ පරිගනකයැ ද ඔන් කලෙමි. පෙන් එකයි, බුක් එකයි රෙඩිය. නමුත් කුමක්දෝ අඩුවකැ මට සිතුණි. අහෝ...! මාගේ ලේන්සුවැ. එය නොමැතිවැ මා කෙසේ සොටු පිසින්නදැ? :D වහා දිවගොස් එය සාක්කුවටැ බහා ගතිමි. මලා....! කො ගෙදර යතුර :O බසයට හොඳටමැ ප්‍රමාදය. නමුත් මම නිවසේ යතුර සෙව්වෙමු.ම්ම්ම්හ් ඒක නැත. පංතියට යාමටැ නොහැකි ඌවොත් අපරාධයකැ මම සිතුවෙමි. වහ වහා දොරැ වසා බසයට ගාටන්නටැ විමු. ඔය අතරතුරැ පාරේ උන් එකෙකැ "අන්න බසයැ යනවා දුවපිය" කෑ කියූවෙන් මා කලබල උනෙමි. දිව්වෙමි, බසය මා එනතුරැ නවතාගෙන සිටියෙමු. වාසනාවකි. මම ගොඩැ..:D සිතුවෙමි.

"වැඩේ හරි. මමැ 9.30ට පංතියේ" සිතුණෙමි. ඒ වේලාවටැ බසයේ මොකෙක්වත් නැතැ. මම අසුනක ඉඳගතිමි.
මගක් දුරැ ගියකලැ නීල වර්‍ණයෙන් බැබලුණු අහසැ කළු විණැ. මද වේලාවක් ගියකළැ මහා...........ධාරා නිපාත වරුසාවකැ ඇදහැලෙන්නටැ පටං ගතිමු.මටැ තරු දිස්වුණි. "අනාතය! නෑමක් තමයි" යැ සිතිණි. අතටගත් කුඩයැ දමා ආ මූඩකමැ. අහෝ..! බසය ටව්මට සම්ප්‍රාප්තයැ. වැස්සද එමටය. "එළ" යැ මම සිතුවෙමි. "වෙනදාටැ අයියත් වැස්සොත් පංති යන්නෑතුවැ එන්නෙ" සිත කීවාය. ඔය අතරැ බසය නැවැත්වීමු. කොණ්දා අයියා "ඉට්ටෑන්ඩ් යන්නෑ ඉට්ටෑන්ඩ් යන්නෑ බැහැගන්නැ" කියද්දී ඔක්කොම (ටික) නැගිටැ බසින්නටැ වියැ. එවිටැ එකැ ඇන්ටි කෙනෙක් "ඔයා බහින්නැද්ද පුතා.." යැ කීවාය. මම සිනාසුනෙමි :D බසය නැවතත් ගමටයැ. මද දුරකැ එන විටැ වැස්ස අතුරුදහන් යැ. එවිටමැ "යතුරැ" මටැ සිහිවීමි (මලා)x2. :/ හීං දාඩියැ නිසා මමැ තෙමුනෙමි.

ඕනෙ එකක් යැ සිතා මමැ නිවසටැ ආවෙමි. "වැස්ස ඉවරයි". හොඳින් ඉර පායා ඇත. බට්......මම එළියේයැ. "වැඩේ හරියන්නෑ.. "මමැ මටමැ කියාගතිමි. නිවසැ වටේ රව්මක් ගියකල එකැ ජනේලයකැ විවෘතයැ. ඔළුව දැමුවෙමි. ම්ම්හ්..කොරන්නටැ දෙයක් නැත්තේය. එවිටමැ නිවසේ දු.ක නාදැ වන්නටැ විය. "එළියේ සිටිම මම මක් කොරන්නැ" සිතීමි. එවිටැ මටැ තෙවැනි ඥානයද පහල වීමි. "වහලෙං පනිමි"! එල! යනේලයෙන් ලෑන්ඩ් කිරීමටැ තැනක් බැලුවෙමි. එළ. අතැ තිබූ බුක් එකැ පසකැ තබා ටී.වී එකේ ඇන්ටනාවටැ වැඳ එයැ දිගේ නැග්ගෙමි. හෆොයි! තැන මතක් නැත. ඕනෙ එකකි. උළු කැටයක් ඇද්දෙමි. මරැ. අරටැ වඩා මරු තැනකි. තවත් එකකැ ගැලවූයෙමි. මලා! පරාලයකි. ආයෙ ඒ දෙකැ සවි කිරීමටැ නොහැකිය. හිත හදාගෙන වහලයමැ ගැලවීමටැ පටං ගතිමි. වැඩේ ගොඩැ! :D උළු 6කින් බේරුණි.


පාරේ කවුරුවත් නොගියේ මගේම වාසනාවටැ. නැතිනම් "හොරෙං ගෙටැ පනිනවා" කියා මෙතනැ මලැ මගුලකි :D හෆොයි! සුළු සීරීම් 2කින් යාන්තමටැ මම නිවසැ තුලමි. දැං ගොඩැ. "හම්මේ බ්ලොග් පෝස්ට් එකක්" මෙයැ මටැ මතක් ඌයේ පනින අතර තුරැය. වහා ගොස් පරිගනකයැ දැමුවෙමි. කතාව මෙපමණයැ.

[වහලෙන් පනිනැ විටැ මාගේ ඔළුවැ වැදී ඇද්දැයි දැං දැං සිතේ :D මන්දයත් මෙපමණට උක්ත ආක්යාත නිවැරදිව මම මීට පෙරැ රචනයකැ හෝ ලියා නැතැ! :D :D]
ඉතුරු ටික

අයි.ටී සිංහලෙන්

කාලෙකට පස්සෙ පෝස්ට් එකක් දාන්න හිතුව. මේක මම කලින් ලියන්න හිටපු එකක්, ඒත් වෙලාවක් තිබුණෙ නෑ [මාත් දැං බිසි කොල්ලෙක් ]. මම ඉස්කෝලෙදි තොරතුරු හා සන්නිවේදන තාක්ෂණය (ICT) කළා, විෂයක් හැටියට. අවුරුද්ද ඉවර වෙද්දි (2010 අන්තිම වාරෙ) මම කැමතිම විෂය උණේ මේ අයි.ටී තමයි (හැබැයි කලිං වෙනස් ). ඒ මොකද ඒ වෙද්ද අපිට උගන්නන්න ගුරුවරයෙක් හිටියෙ නෑ :D

කතාව මේකයි. අපි අයි.ටී ඉගෙනගත්තෙ සිංහලෙන්, සුද්ද සිංහලෙන් (කතාව කියවගෙන යද්දි ඔයාලට තේරෙයි!). අපිට අයි.ටී ඉගෙන ගද්දි වැඩිදුර අධ්‍යනය සඳහා පොත් (ටිකක්) තිබුණ. එකක් ඉස්කෝල පෙළපොත. තවත් ඔහොම පොත් තිබුණ. ඒ වගේම තව සල්ලි වලට ගත්ත ප්‍රශ්නෝත්තර පොතුත්. කොහොමත් වාර විභාග වලට යද්දි ඔය ඔක්කොම පොත් බලන පුරුද්දක් නෑනෙ. අමාරුවෙන් වගේ සටහන් පොත බැලුවට! ඇහුණු දෙයක් තමයි ඉතිං. අපි සිංහලෙන් අයි.ටී කරන නිසා විභාග පේපර් එක බලල ඒකෙ තියන දේවල් තේරුම් ගන්න ලේසි නෑ(ඒකත් කියවගෙන යද්දි තේරෙයි :D ).මොකද සමහර වචන තේරුම් ගන්න අයි.ටී පොත් වල කියන අර්ථ වින්‍යාසකයෙක් ඕනෙ (ඔය කියන්නෙ භාෂා පරිවර්තකයෙක්) ! අයි.ටී වලදි හැමදෙයක්ම එහෙමයි. "ආසයි ලේසී අයි.ටී" ඒත් අපිට නෙවෙයි. මොකද අපි ඉගෙනගත්තෙ වෙන විදියකට.



අපිට input එකට කියන්න කිව්වෙ "ආදානය" කියල. output එකට "ප්‍රතිදානය". "ආයචන" කියන්න කිව්ව storage වලට. මේ වචනනං කාලයක් යද්දි මතක හිටියා. ඒත් මේව...........?

IC (integrated circuit) වලට "අනුකලිත පරිපථ" කිව්ව.
Analog computers වලට "ප්‍රතිසම පරිගණක". ඒ විතරක් යැ RAM එකට "සසම්භාවී පිවිසුම් මතකය"ලු කියන්න ඕනෙ! එතකොට ROM එකට කියනෙ "පාඨන මාත්‍ර මතකය", cache memory යට "වාරක මතකය", "තීන්ත විහිදුම් මුද්‍රක" නම් Inkjet printers ය. ඇයි මොනිටරේට (Monitor) "සන්දර්ශකයනෙ"!(හික්) , Floppy disk වලට "නම්‍ය තැටි", Compact disk (CD) වලට "සංගත තැටි", Digital Versatile Disc (DVD) වලට "සංඛ්‍යාංක බහුවිද තැටි".Browser = "අතරික්සුව", Align = "එකෙල්ල".


තව අපේ පෙළ පොතේ මෙහෙම තියෙනව,
1. "මෙවලම් හෝඩුවා" = Tool tips
2. "මූසික දක්වනය" = Mouse pointer
3. "පාඨ කොටු" = Text box
4. "මූලපදය" = Keyword
5. "කාරක රීති" = Syntax
6. "අරාවන්" = Array
7. "අක්වටන" = dial-up
8. "ආටෝපයන්" = Effects
9. "පිළිසඳර මණ්ඩල" (හික්z) = Chat groups
10. "ද්විසම සම්ප්‍රේක්ෂනය, ප්‍රතිසම සම්ප්‍රේක්ෂනය"
11. "ගුණාංග කවුලුව" = Property window
12. "පෝරම සැලසුම් කව්ලුව" = Form design window
13. "ව්‍යාපෘති ගවේෂණ කව්ලුව" = Project Explorer Window
14. "මෙවලම් පෙට්ටිය" = Tool Box
15. "අයිතම" = Items
16. "මූර්ජනය(ආකලනය)" = Modulation

මේ විදිහට මේ අය Adobe Photoshop වලට "මෝඩගඩොල් පොටෝ කඩේ" කියලයි,
Visual Basic වලට "දෘෂ්ටි මූලික" කියලයි දාන්න බැරිත් නෑ?? :D

මම දන්න තරමිං මේ වචන වලට පොත්වල සිංහල වචන තිබුණෙ නෑ..ඔයාලටවත් පුලුවන්නම් මේවට සිංහල වචන හදල දෙන්න :D
pixel,bits,icons,cursor,fonts (මට අහු උනේ මෙච්චරයි!)
ඉතුරු ටික

ඊ බොක්කෙන් 4x4ක් ද 3x3ක් ද?




4x4 එකක්ද 3x3 එකක්ද, අයියනම් කිව්වෙ 3x3 එකක්. ඒත් මට හිතුනෙම 4x4 එකක් ගන්නමයි.ඔන්නොහෙ 4x4ක් ම ගන්නව, කියල හිහ හදාගෙන සිදාදිය පැත්තට ගියත් පොත් සාප්පු වල ඉන්න කොල්ලො කුරුට්ටො කිරිට්ටියො සේරම කින්ඩි දැම්මෙත් මටමයි. ඒ ඇයි දන්නෑ.. මම කිව්වෙ අයියෙ "rubix cube" තියනවද, අක්කෙ "Rubik's cube" තියනවද, අංකල් "රූබික්ස් ක්‍යුබ්ස්" තියනවද කියල අහපු එක විතරමයි. සමහර විට මගෙ බාසා හැකියාවෙ මද කමක් දැ කියල හිතිල තමයි මම ඔය විදියට එක එක ජාතියෙං ඇහුවෙ ම්ම්ම්ම්ම්...හ් උංද කටක් හෙල්ලුවෙ. කිසි කතාවක් නෑ උං උංගෙ වැඩ.
මං කියල ඉතිං මොනා කරන්නදැ. බලෙං අරං එන්නැයි.

ටික දවසක් යනකොට ඕක මයෙ හිතෙං අයිං වෙලා තිබුනෙ. දවසක් මම ඊ බොක්ක පැත්තෙ ගියෙ මොනවත් ගන්න නෙවෙයි. ඒක කොයි වගේද කියල බලාගන්න. ඕක හොඳට බලාගන්න නම් ඉතිං මොකාක් හරි ගන්න බලන්න එපැ. ගන්න දේවල් බලබල ඉන්නකොට (ගන්න නෙවෙයි) මට මතක් උනා අර කාලයක් මයෙ හිතේ තිබ්බ කැටේ.. ඕකක් බලබලා හිටිය ඉතිං ඕකෙං (බැලුව විතරයි ඉතිං අපිට වෙබ් කාඩ් තියා අයිඩිංටිටි කාඩ් එකක් වත් තියේ යැ)
දවසක් අපෙ සුපුන් අයිය ඇහුව "මල්ලෙ, ඔයාට මොනාහරි අරං ඕනෙද කියල (ඊ බොක්කෙං)" හික්.. මයෙ හුස්මත් හිරවෙන්න ගියා. ඕං ඉතිං මම මෙයාටත් අරක කිව්ව. අනෙ කියන්නත් දුකේ....බෑ, අයිය එක පයිංම කැමති උනා මට එව්ව එකක් අරං දෙන්න. ඕං ඉතිං මෙයා මයෙ ඇඩරැස් එක ඉල්ලගෙන, තව ඕනෙ ඕනෙ කලමනා ටිකත් ඉල්ලලා "හරි" කිව්ව.

ඕන්න අද භාණ්ඩෙ ඇවිත්. මම ඉස්කෝලෙ ඇරිල ගෙදරට පය තිබ්බ විතරයි අම්මා කිව්ව "ආං මොකද්දැ එකක් ඇවිත්" කියල. ඔන්න එතකොට තමයි ඉවසන්නම බැරුව ගියෙ. මයෙ හිත පස්වනක් ප්‍රීතියෙං පිරීගෙන ගියා. ගිහිං පාර්සලේ අල්ලද්දි ඇඟටම නිකං විදිලි කෙටුණ වගේ :D

කවරෙ ඇරල කැටේ ගත්ත එළියට.
ඊට පස්සෙ තමයි වැඩෙ !
අරං ඔක්කොම ටික කලවං කොලා. අනෙ ! වැඩි වෙලා කරකන්න උනේ නෑ....
ඔක්කොම කෑලි ටික ඇදගෙන වැටිච්චි මේසෙ ඉඩට :'( දැං මක්කොරන්නද. දන්න වැඩ දාල හදන්න බැලුව, මොන :'(

(මේ තමයි මට ලැබුණු අලුත්ම පසල් එක. ආපහු කැටේ යතා තත්තෙට ගන්න එකයි ඒකෙ කරන්න තියෙන්නෙ)

ඊට පස්සෙ තමයි මේක මේ ලියන්න ගත්තෙ. ඔහොම තමයි මගෙ පලවෙනි "ඊ බේ" තෑග්ග බිම ඇද වැටුනෙ (බිම කිව්වට මේසෙ උඩට). දැං මක්කැ කොරන්නද කියල අහන්නයි මම මේක ලිව්වෙ. දන්න කස්ටිය මට මේකට විසඳුමක් දෙන්න කො කො කො....
ඉතුරු ටික

එකායි....

හුරේ..............
මට ජය වේවා !!




අද මට ටිකක් විශේෂ දවසක්, මොකද අද තමයි මගෙ blog එකට අවුරුද්දක් පිරෙන්නෙ. හරියටම ගිය අවුරුද්දෙ ජූලි 25 තමයි මම බ්ලොග් එක හදල මගෙ පළවෙනි ලිපිය සිංහල බ්ලොග් කියවනයෙ පළ කලේ. ඒ දවස් වල මම මේ පිළිබඳ වැඩි යමක් දැනගෙන හිටියෙ නෑ. පළවෙනි post එකට පස්සෙ මට ආපු කික් එකට මම 28 වෙනිද ආය ලිපියක් දැම්ම මා ගැසූ ගේම් කියල. ඉතින් මේ ලිපි ඉතාමත් සාර්ථකව සිංහල බ්ලොග් කියවනයේ පළ උණා. ඒ පිළිබඳව මම සිංහල බ්ලොග් කියවනයට ස්තූති වන්ත වෙනව. ඒ වගේ ම ලාංකීය සිතුවිලි , කොත්තුවට, මගේ ස්තූතිය. ආ එතකොට නදුන් අයියගෙ නිම්නයටත්

එතකොට මට මුලින්ම කමෙන්ට් කරල තිබුනෙ "මනුශාන්" අයියා. ඊට පස්සෙ "ශාකුන්තල" අයියා. ඊටත් පස්සෙ "චානක මදුශාන් [චානු]". ඔයවගේ තව ගොඩාක් කස්ටිය මගෙ ලිපිවලට කමෙන්ට්ස් දාල තියනව.

එතකොට "මම Flash වලින් web site එකක් හැදුවා" ලිපියට තමයි මට වැඩියෙන්ම කමෙන්ට් ලැබිල තියෙන්නෙ [ මහාලොකු ගානක්නම් නෑ 24යි.],

"පුල් ඔප්සන් ඔන්ලයින් පොටෝසොප්", "සරල Drop down menu එකක් blogger වලට", "Blog එක ලස්සන කරගන්න පුලුවන් වැඩක්" තමයි මම ටිකක් වැදගත් කියල ලිපි ටිකකට ලියල තියෙන්නෙ.

මෙතෙක් මම ලියල තියෙන්නෙ ලිපි 17ක් විතර[මට වැරදිලාද මංදා...ලාංකීය සිතුවිලි එකේ තියෙන්නෙ 18ක් කියලනෙ :O]. ඒ අතරෙ මට උපදෙස්, ස්තුති, යෝජනා, තර්ජන (මරණ තර්ජන එහෙම නෙවෙයි :D ) වගේ දේවල් ලැබිල තියනව, ඒ හැම දේම මට කමෙන්ට් මගින් ලබා දුන්න හැමෝටම මම ස්තූතිවන්ත වෙනව. ඒ වගේම මට චිරාත් කාලයක් බ්ලොග් කරණයේ රැඳී ඉන්න මම මටම සුබපතාගන්නව.. :D

එහෙනං ඔයාලත් පොරකන්නෙ නැතුව පෝලිමට ඇවිල්ල මට සුබපතල යන්නකෝ
ඉතුරු ටික

හැමදාම අසාදාරනේට ලක්වෙන අය, මමත් ඇතුලුව

මම කලිං පාර ලිව්ව ලිපිය "හැමදාම අසාදාරනේට ලක්වෙන අය" එකට මට "ඇද කිරීම්, බැන වැදීම්" වගේ දරුණු ප්‍රචණ්ඩක්‍රියා එල්ල වෙලා තිබුන.ඉතිං මම ඒ අයගෙන් සමාව ඉල්ලනව(ඇද කිරීම්, බැන වැදීම් වැනි දේ කළ අයගෙන්). කට්ටියම කිව්ව ටොම් ඇන්ඩ් ජෙරී එකේ අහින්සක ටොම් හැමදාම අසාදාරනේට ලක් වෙනව කියල.ඉතිං මම මේ ලිපිය දාන්නෙ එයාලට සාදාරනයක් ඉස්ට කරන්නයි :)

1.මට වැඩියෙන්ම චෝදනා කලේ මං ටොම්ව අසාදාරනේට ලක් කරනව කියලනෙ, ඉතිං ඔන්න එයා මුලිම්ම දැම්ම. සිරස ඉතිං "ටොම් ඇන්ඩ් ජෙරී" ඉවර කරන දවසෙ තමයි මෙයා අසාදාරනෙන් මිදෙන්නෙ. (ඒක හින්ද ආය මට බනින්න එපා)


2.මේත් කලිං පාර කියන්න බැරි වෙච්ච කෙනෙක්. අපෙ අයියා [ සහන් ] තමයි මෙයා ගැන ඔත්තුව දුන්නෙ.
මේ පුංචි ට්වීටිය අල්ලන්න ගිහින් මූ විඳින දුක දැක්කම කාගෙත් හිත උනුවෙනව.

3.මේ ජෝඩුවත් අර ගොඩේම තමයි.විස්කෝතුවකට යටවෙලා හැමදාම අසාදාරනේට ලක් වෙනව.මේක බලල ඇතිනෙ .


4. මේ ඉන්නෙ "ඩැෆී ඩක්". මෙයත් හැමදාම ඇක්ට් කරන්නෙ දුෂ්ඨයට.ඔයාල දන්නව ඇතිනෙ දුෂ්ඨයට අන්තිමට මොකද වෙන්නෙ කියල. [අසාදාරනේ තමයි ඉතිං :'( ]


5. මේ අපේ ජිම් පප්ප. මෙයාට වෙන්නෙ පොඩිකාලෙ අත්වැරැද්දකින් වෙච්ච දේකට ජීවිතෙම අසාදාරනේට ලක්වීම. දුක තමයි.
6. මෙයා ඉන්න හැටියෙම්ම පෙනව ඇතිනෙ මෙයාටත් අර කතාව අදාල වෙන බව. [අයිය කියනව එයා දන්න විදිහට මෙයාට අවු.20කට වත් සාදාරනයක් වෙලා නෑ කියල.] මෙයාගෙ නම "වයිල්ඩ් ඊ කයෝටේ", මෙයාව අසාදාරනේට ලක් කරන්නෙ "රෝඩ් රනර්" කියන බුවා. ගොඩක් දෙනෙක්ගෙ මතය තමයි මෙයාල[අනිත් කාටුන්] අතරෙන් වැඩියෙන්ම අසාදාරනේට ලක් වෙන්නෙ මෙයා කියන එක.

7. මෙයාගෙ පැහැදිලි පොටෝ එකක් හොයාගන්න මම සෑහෙන ට්‍රයි එකක් දුන්න, ඒත් කොහෙද මෙයා වඩිපුර ඉන්නෙ කැලේනෙ. බොහෝ....ම අමාරුවෙන් මම මෙයාව චායාරූප ගත කලේ ( ඒ අමාරුවෙන් ගත්ත එක තමයි ඔය). මෙයා ඇක්ට් කරන්නෙ "දඟර වලිග ලප වානර එකේ". නම "දඩයම්", ඉතිං මෙයා අසාමාන්‍ය විදිහට, අලුත් තාලෙ විදිහට තමයි අසාදාරනේට ලක් වෙන්නෙ :D

8. මේ කතාව ගැන මට කිව්වෙ "දුකා" අයියා. කතාව යූ ජස්ට් වේට්. මේකෙ නරියත් (නම නොදනිමි) සෑහෙන අසාදාරනේට ලක් වෙනව අර හාව නිසා.



9. මෙයත් මුලදි සෑහෙන අසාදාරනේකට ලක් වෙනව. කතාව "ඉස්පොන්ජ් බෝබ්" , මෙයාගෙ නමත් ඉස්පොන්ජ් බෝබ් ම තමයි.


10. ඔය ඉන්නෙ මට ඉස්සරල කියන්න බැරි උන තවත් අසාදාරනේට ලක්වෙන කාටුං චරිතයක්. එයා ගැන හිතාගන්නකෝ....




ප.ලි

ඒ විතරක් නෙවෙයි විලියම් ටෙල් එකේ සැක්ස්, කූබිච්චි එකේ මකුණාස්, ඔය වගේ තව ගොඩක් කස්ටිය සෑහෙන අසාදාරනේට ලක් වෙනව.
ඉතුරු ටික

මටත් ලොකර්z "ටී" එකක් ආවනෙ..

මටත් ලොකර්z "ටී" එකක් ආවනෙ..

මේ ටී ෂර්ට් එක මුලු කුරුණෑගල පුරාම වන්දනාවෙ ගිහින් තමයි අන්තිමට අපෙ ගෙදරට ආවෙ.මම z ලිස්ටර් කෙනෙක් වෙලා දැං මාස 10ක් 12ක් ඇති. පරක්කුවෙද්දි මම හිතුව මේ (ටී ෂර්ට්)රෙද්ද එන්නෙ නැතිවෙයි කියල,මෙන්න බොලේ අවුරුද්ද පහුවෙලා දවස් 3 දෙයියො දුන්නවගේ මේක ආව. මට ඉතිං මාරම හැපී. එතකොට තමයි මට හිතුනෙ ලොකර්z එකේ පුංචිම මැම්බර් මමද කියලත්, මොකද small සයිස් එකේ ටී ෂර්ට් එකත් මට වැඩියි :D ඉතිං ඊටපස්සෙ මම හතර අතේ පොටෝ ගහල හැම තැනම දැම්ම. මේ ලිපිය ලියන්න හිතුනෙත් ලොකර්z එපාවෙලා අතෑරල දාල ඉන්න කට්ටිය ඉන්නවනම් ඉක්මනට සල්ලි ටිකක් එක්කහු කරගෙන ඊලඟ රිඩීම්ශන් එක ගැන හොයල බලල මටත් කියලා,මොකා..ක් හරි ගන්න කියලත් කියන්නයි.

ඉස්සරනං මේ වද කරදර නෑ z Lister කෙනෙක් වෙච්ච ගමන් ඕනෙ බඩුවක් රිඩීම් කරන්න පුලුවන්.


ඔය නළුව වගේ ලොකර්z ටී-ෂර්ට් එක ඇඳං ඉන්නෙ මම තමයි. (ඔය මගෙ කළු නෙවෙයි හරිද)
ඉතුරු ටික